Roza Baku 2015-in bürünc medalçısının şərəfinə bunu etdi

Azərbaycanlı müğənni Roza Zərgərli bölgələrdə yay turnesinə start verib. Lent.az-a açıqlama verən ifaçı bildirib ki, turnenin ilk konserti Siyəzən rayonunda olub: “Bu mövsüm solo konsertlərə start verdik. Biz bu konsertləri “Bakı vaxtı ilə hər bir obada” adı altında, “Ben prodakşn”ın dəstəyi altına həyata keçiririk. İlk konsertimiz Siyəzəndə möhtəşəm oldu. Turne zamanı bölgələrdə həyata keçirdiyimiz konsertlərin hər biri “Baku 2015” Avropa Oyunlarının idmançılarına həsr olunub. Belə ki, Siyəzən konserti “Baku 2015”in bürünc mükafatçısı Niyazi Əliyevə həsr edilmişdi. Növbəti konsertlərimiz isə digər çempionlara həsr olunacaq”.

Qeyd edək ki, aparıcı Zabir Əliyevin aparıcılığı ilə baş tutan konsertdə R.Zərgərlini “Bakı instrumental ansamblı” müşayiət edib. Gecədə qonaq qismində müğənni Sevinc Ağaşirinova də çıxış edib.