Ötən gün xalq artisti Brilliant Dadaşovanın Heydər Əliyev Sarayında “Apar məni” adlı konserti olub. Lent.az-ın məlumatına görə, konsertdə Murad Dadaşov və Nərgiz Cəlilova aparıcılıq ediblər. “Vokalist” mahnısı ilə konsertə başlayan B.Dadaşova xalq artistləri Flora Kərimova, Zülfiyyə Xanbabayeva, əməkdar artistlər Tünzalə Ağayeva, Elza Seyidcahan, müğənnilər Zamiq Hüseynov, Rüstəm Zeynallı və balaban ifaçısı Əlixan Səmədovla duet oxuyub. Konsertdə Mətanət İsgəndərli, Röya Ayxan, Sevda Yəhyayeva, Ruhəngiz Allahverdiyeva, Nüşabə Ələsgərli, Lalə Dadaşova, Günay İbrahimli, Əfqan Quliyev, Əkbər, Fəqan Səfərov, Orxan Babazadə və başqaları iştirak ediblər. Anşlaqla keçən konsertdə xalq artisti səhnədən enərək, məşhur “Ay bəri bax” mahnısını tamaşaçılarla ifa edib. Diqqətdən yayınmayan məqamlardan biri isə müğənni Röyanın konserti yarımçıq tərk etməsi olub.
Qeyd edək ki, sənətçi burada sonuncu dəfə 12 il öncə, 2001-ci ildə konsert verib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
