Rəqqasə Aytən türk həmkarı Asena ilə bir araya gəlib. O, Lent. az-a bildirib ki, həmkarı ilə yeni layihə üzərində çalışır: “Bütün dünyada var, məşhur müğənnilərin bir araya gəlməsi, amma rəqqasələr arasında yoxdur, ona görə belə bir proyektə imza atmaq istədim. Elə ağlıma ilk gələn də əcnəbi rəqqasə Asena oldu. Ona bu layihə barədə xəbər verəndə çox sevindi. Klipə otuz min pul xərcləmişəm. Təkcə, altı libas mənə on iki min manata başa gəldi. Geyimin birini isə Asena mənə hədiyyə etdi. Çəkilişlərə bir qədər ara verib Bakıya qayıtmışam. Bir az dincəlmək istəyirəm, çünki noyabrın 8-də “Hollivud” restoranında Sinan Akçılla Aygün Kazımovanın konsertində olacam, ora hazırlaşım. Həmin konsertin təşkilatçısı Nahid Emiloğluna da öz təşəkkürümü bildirirəm”.
Rəqqasə onu da bildirib ki, Asena ilə birgə daha bir neçə layihəyə imza atacaq.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
