Müğənni Samira Allahverdi “Sən” adlı klipini sosial şəbəkədə yayıb. Lent. az-a açıqlama verən müğənni bildirib ki, sözləri və musiqisi Muxtar Abseynova məxsus olan mahnını rejissor Ülviyyə Könül ekranlaşdırıb. Klip gecə saatlarında çəkilib: “Yeni ekran işimdə süjet xətti yoxdur. Çəkilişlər yalnız Bakının gözəl məkanlarında və dəniz kənarında aparılıb. Mahnı ritmikdir. Məncə, bu mahnı zövq oxşayacaq.” - deyə müğənni əlavə edib.