Kərimin təqdimatına gələn həmkarları nə etdilər?

Bu gün müğənni Kərim Abbasov media işçilərini başına cəm edərək “Sevəcəyəm” mahnısına çəkilmiş klipin təqdimatını keçirib. Lent.az-ın məlumatına görə, ifaçını konfransda sənət dostları tək qoymayıblar. Tədbirdə xalq artisti Flora Kərimova, müğənnilərdən Elnur Məmmədov, Elnarə Abdullayeva, Emil Bədəlov, Xatun, Pərvin Lətifov, Niyam Səlami, bəstəkar Gövhər Həsənzadə iştirak ediblər.

Xalq artisti Flora Kərimova klip haqda bunları deyib: Klipi bəyənirəm, “Kərim “Sevəcəyəm” adlı mahnını çox gözəl ifa edib. Bu mahnının söz və musiqisini yazan Nihad Cabbara çox minnətdarlığımı bildirirəm. Amma bəstəkara demək istərdim ki, Kərim üçün daha bir mahnı yazsın. Amma elə bir bəstə lazımdır ki, Kərim öz səs imkanlarını bu bəstədə göstərə bilsin. Çünki onun səsinə bələdəm”.

Klip barədə media nümayəndələri öz fikirlərini bildirdikdən sonra Kərim öz sənət dostlarını yanına dəvət edərək üzərində özünün şəkli olan tortu kəsib.

Xatırladaq ki, klipin rejissoru Rəhmandır. Mahnını Rubail Əzimov aranjeman edib.