Elza oğlundan danışdı: “Papağı başında, külüngü əlində”

“Tez alışan, tez sönər. Oğlum istəyir ki, öz gücünə irəli getsin, anasına görə yox”. Bu sözləri Lent.az-a əməkdar artist Elza Seyidcahan oğlu Əkbərin müğənni olmaq istəyindən söz açarkən deyib. Müğənni oğlunun şou-biznes aləmində tanınan müğənni olacağına inandığını söyləyib: “ Bir oğlum var, bildiyiniz kimi o peşəkar skripkaçıdır. Amma xeyli müddətdir ki, ifaçı olmaq qərarına gəlib, bir ana kimi ona əlimdən gələn köməyi etməyə hazıram, amma oğlum öz gücünə irəliləmək niyyətindədir. Özünə tənqidi yanaşır, təvazökardır,öz yolu ilə şou-biznesə gəlir. Başqasının yoluna keçmir. Tələsən təndirə düşər. Necə deyərlər papağı başında, külüngü əlində. Səsi özündə, yolu da açıqdır. O, çox qabağa gedəcək. Buna inanıram”.