Ebru Polad: “Azərbaycan kişiləri...”

Dünən şou-biznesdə ilk addımlarını atan müğənni Afaq "Sənə görə " adlı albomunun təqdimatını keçirib. Lent. az-ın məlumatına görə, mərasimdə ötən həftədən paytaxtımızda qonaq olan, Türkiyənin tanınmış müğənnisi Ebru Polad da iştirak edib. Müğənni media mənsublarını və bir çox şou-əhlini başına cəm edib: “Bu gün mənim təqdimatıma təşrif buyuran hər kəsə öz dərin minnətdarlığımı bildirirəm. Ebru Poladın bu təqdimatda iştirak etməsi özümə qarşı inamımı daha da artırır. Sonda demək istəyirəm ki, yaradıcılıq işlərim bununla yekunlaşmayacaq”.

Daha sonra Lent. az-a açıqlama verən Türkiyəli müğənni Ebru Polad bildirib ki, o Bakıda olmaqdan çox məmnundur: “Şəhəriniz çox dəyişib. İnsanlarınız isə hədsiz mehribandırlar. Mən burada Azərbaycan kişilərinin necə centlmen, yaraşıqlı xanımlarının isə necə baxımlı və cazibədar olduğunu gördüm. Çox mehriban və qonaqpərvərsiniz. Sizin mənə qarşı diqqətinizi gördükdən sonra, düşünürəm ki, paytaxtınıza növbəti dəfə səfər edəm. Bu gün də müğənni Afaqın albom təqdimatında iştirak etdim. Ona sənət uğurları dilədim. Bilmək olmaz, bəlkə onunla duet də oxuduq ”.