Azərbaycanı beynəlxalq festivalda bu müğənni təmsil edəcək

Müğənni Yaşar Yusub Qırğızıstanda keçirilən ikinci “Meykin-Asiya” beynəlxalq festivalında Azərbaycanı təmsil edəcək. Bu barədə Lent.az-a məlumatı adı çəkilən festivalda münsif olan azərbaycanlı müğənni Roza Zərgərli verib. O bildirib ki, müsabiqənin seçim turlarının nəticələrinə əsasən, müğənni Y.Yusub Azərbaycanı mötəbər yarışda təmsil etmək hüququ qazanıb: “Festivalda Asiya və Avropanın ən yaxşı ifaçıları ilə bərabər, Azərbaycanın, Türkiyənin, Rusiyanın, Cənubi Koreyanın, Çinin və Yaponiyanın təmsilçiləri iştirak edəcək. Azərbaycanlı təmsilçi Yaşar Yusubun bu yarışda iştirakını isə “Ben prodakşn” seçib. Düşünürəm ki, onun bu yarışdakı çıxışı möhtəşəm olacaq”.

Xatırladaq ki, “Meykin-Asiya” beynəlxalq festivalı iyulun 22-dən 25-nə qədər baş tutacaq. Festivalın təşkilatçılar komitəsinin üzvləri sırasında məmurlar, mədəniyyət xadimləri və teleşirkət təmsilçiləri yer alıb. Festivala Roza Zərgərli ifası ilə yekun vuracaq.