Adı Qızıl Fonda düşən ilk azərbaycanlı danışdı

Adı Rusiyanın Qızıl Fonduna düşən ilk azərbaycanlı, 11 yaşlı Əli Muradov növbəti uğura imza atıb. “İstedadlıların Planeti” ("Planet of Talents ") adlı beynəlxalq müsabiqədə ölkəmizi təmsil edən Əli Muradov “Qrana-pri”- yə layiq görülüb. Lent. az-ın məlumatına görə, Novosibirskdə həmin müsabiqənin qala konserti və diplomların təqdimat mərasimi keçirilib. “Akademik vocal” nominasiyası üzrə 9-12 yaş qrupunda iştirak edən həmyerlimiz “Qran-pri” yə layiq görülməklə yanaşı, xüsusi təşəkkürnamə ilə də təltif olunub.

Əli Muradov öz təəssüratlarını Lent. az-la bölüşüb: “Beş minə yaxın iştirakçının hamısı istedadlı idi. Mübarizənin çətin olacağını öncədən bilirdim. Amma buna baxmayaraq, qarşıma məqsəd qoymuşdum ki, səhnədə Azərbaycan bayrağını qaldırım və də o biri millətlərə, o cümlədə ermənilərə nəyə qadir olduğumuzu sübut edim. Şükür, buna nail oldum. Amma açığı, “Qran-pri” alacağımı gözləmirdim. Buna beş min nəfər arasında yalnız mən layiq görüldüm ”.

Qeyd edək ki, Rusiyanın Novosibirsk şəhərində yaşayan Əli Muradov beynəlxalq müsabiqələr və Qrand-pri mükafatları laureatıdır. O, Türkiyə, İspaniya, Sankt-Peterburq, Krasnoyarsk, Moskvada keçirilmiş beynəlxalq müsabiqələrdə və qala-konsertlərdə iştirak edib. Əli Muradov Novosibirsk vilayətinin qubernatoru Vasiliy Yurçenko tərəfindən Qubernator təqaüdünə layiq görülüb. Bu yaxınlarda isə İspaniyada skripka üzrə keçirilmiş beynəlxalq festivalda I dərəcəli laureat diplomu ilə təltif olunub.

http://www.youtube.com/watch?v=YiRKauW98TY