Müğənnilər Şəbnəm Tovuzlu ilə Ali Pormehr arasında pul üstündə inciklik yaşanıb.
Lent.az-ın xəbərinə görə, şou proqramlardan birində qonaq olan Ali Pormehr maraqlı açıqlama verib.
O bildirib ki, həmkarı Şəbnəm Tovuzluya Türkiyədə onunla birlikdə konsert vermək üçün 10 min dollar (17 min manat) ödəyib. Lakin ifaçı konsertdən 3 min dollar (5 1000 manat) zərərə düşüb. Buna baxmayaraq Şəbnəm Tovuzlu Aliyə dəyən zərərə görə heç bir məbləğ qaytarmayıb:
"Mən ona 10 min dollar ödədim. Amma öz haqq-hesabımı alanda 3 min dollar zərərdə qaldım. Bundan Şəbnəm xanımın xəbəri oldu, amma mənə heç nə ödəmədi".
Qeyd edək ki, Ali Pormehr bir neçə ay öncə Lent.az-a verdiyi müsahibədə Şəbnəm Tovuzludan giley-güzar etmişdi. O bildirmişdi ki, Şəbnəm onun mahnılarını oxusa da, əvəzində qonorar ödəməyib.
“Quru-quru qurbanın olum nə qədər olar? Biz bu işi qazanc üçün edirik”,- cənublu müğənni bildirmişdi.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
