Kim Kardaşyanın 150 milyonluq təyyarəsinin içində nələr var?

Milyarder Kim Kardaşyan ötən il 95 milyona aldığı təyyarəsini xüsusi modifikasiyalarla təchiz etdirdikdən sonra onun qiyməti 150 milyon dollara yüksəlib.

Lent.az-ın xarici mediaya istinadən xəbərinə görə, ulduz bu günlərdə qatıldığı bir realiti şouda şəxsi təyyarəsinin içini göstərib və orda tətbiq olunan qaydalar barədə danışıb.

4 uşaq anası olan Kim təyyarəni öz həyatını asanlaşdırmaq üçün aldığını deyərək, əlavə edib ki, bu təyyarəyə minənlər onun qanunlarına əməl etməlidirlər.

Məsələn, heç kim təyyarəyə ayaqqabılarla daxil ola bilməz. Hətta ailə üzvləri belə. Təyyarənin oturacaqları süd rəngli kaşimir parçalarla üzləndiyinə görə təmizliyə son dərəcə riayət edilir.

“Kim Air” hava yollarına müraciət edən hər kəs səliqəli olmalı, səfər qaydalarına əməl etməlidir. Təyyarənin içərisində 2 vanna otağı, 3 yığılıb açılan lüks yataq var.