Firuzədən Cavidan və Ənvərə SƏRT SÖZLƏR : "O kimdir ki?" - QALMAQAL BÖYÜYÜR...

Aktrisa Firuzə Balayeva həmkarı Cavidan Novruzun onun ünvanına səsləndirdiyii fikirlərə münasibət bildirib.

Aktrisa Lent.az-a açıqlamasında deyib ki, onun problemi Ənvər Abbasovla olub:

"Açığı, onun məni təhqir etməsi barədə paylaşımını görməmişəm. Ancaq elə səviyyəsiz birinə nə deyə bilərəm ki? Yaxşı həmkardırsa, yaxşı kişidirsə, Ənvər Abbasov məni söyəndə, təhqir edəndə onun cavabını orada verərdi. Deyərdi ki, ay kişinin oğlu, o da anadır, kiminsə bacısıdır və s. Niyə onu söyürsən? Belə cavab verərdi də ona. Onun gücü ancaq mənə çatır? Onun gücü ancaq yazı yazmaqla, status paylaşmaqla mənə çatar. Belə heç nə deyə bilməz mənə.

Cavidanla heç bir problemim yoxdur. O, niyə ortalığa düşüb, bilmirəm. Belədə Cavidan Novruz kimdir ki, ondan qorxum? Heç kimdir. Mən orada heç kimdən qorxmuram. Nə var, onu danışıram".

Xatırladaq ki, Firuzə Balayeva bir neçə gün əvvəl “Komedixana” proqramı haqqında “Mən ağıllı insanlarla işləməyi sevirəm, bir az “şiti çıxarılan” yer mənlik deyil” kimi fikirlər səsləndirib.

Sonra Cavidan Novruz ad çəkmədən öz sosial şəbəkə hesabında yazıb “Mənə inanın ki, yaxşı at özünə qamçı vurdurmaz! Problemli insan hər yerdə problemlidir və belə də yaşayacaq! O ki qaldı, ağıllı olmayıb ağıllı yerdə görünmək istəyənlərə...

İnsana deyərlər ki, özündə zərrə qədər ağıl yoxdursa, hansı cəsarətlə ağıllı yerdə, ağıllı adamlarla işləmək tələbini edirsən? İnsanın çörəyi dizinin üstündədirsə, Allah hər zaman belindən vuracaq. Hər şeydə uğursuz, yarımçıq olacaqlar”.