Sevda Ələkbərzadə xaricdə ustad dərsləri keçəcək
23 oktyabr 2009 18:45 (UTC +04:00)

Sevda Ələkbərzadə xaricdə ustad dərsləri keçəcək

Azərbaycanın əməkdar artisti Sevda Ələkbərzadə ustad dərsləri verəcək. Bu barədə Lent.az-a açıqlama verən müğənni, bununla əlaqədar olaraq İsveçrəyə gedəcəyini bildirib: “Bu təklif İsveçrə səfəri vaxtı yaranıb, mən orada tələbələrə ustad dərsləri keçəcəm”.

Müğənni İsveçrənin Bazel Konservatoriyasında təhsil alan tələbələrə noyabr ayında dərslər keçəcək. Bir həftə müddətində davam edəcək dərslərdə S. Ələkbərzadə tələbələrə milli caz musiqisi dərsləri keçəcək.

Onu da qeyd edək ki, müğənni dünya turnesi çərçivəsində davam edən konsertlər silsiləsindən növbəti konsertlərini İsveçrənin müxtəlif şəhərlərində verəcək.

Lalə Yusifqızı
# 606

Oxşar yazılar