İradə İbrahimova teleaparıcı olacaq - EKSKLÜZİV

Türkiyədə yaşayan azərbaycanlı müğənni İradə İbrahimova bu mövsüm özünü teleaparıcı kimi sınayacaq. Verilişin müəllifi Hüseyn Cavadzadə bu il Incəsənət Universitetində müəllim kimi fəaliyyətə başladığından layihənin aparıcılığını muğənniyə təkilf edib. Bu barədə Lent.az-a eksklüziv açıqlamanı verilişin prodüseri Pərviz Məmmədov verib: “Ötən mövsüm ANS telekanalında yayımlanan “Ulduza yaxın” verilişi bu dəfə İradə ibrahimovanın təqdimatında nümayişə çıxacaq. Bu mövsümdə müğənni layihəni həyata keçirən “Creative Holding” şirkəti ilə müqavilə bağlayıb”.

Prodüser İradənin Türkiyədə yaşamasına baxmayaraq, işlərindən problem olmayacağını deyib: “İradə və həyat yoldaşı tez-tez işlərilə bağlı Bakıya gəlir. Buna görə də düşünürük ki, problem olmayacaq. Artıq çəkilişlərə start verilib”.

Qeyd edək ki, bu, İradə İbrahimovanın ilk teleaparıcılığı olacaq.

Lalə Yusifqızı