Rəqqasə Oksanadan həmkarlarına sərt mesaj

“Onlar mənim səviyyəmdə deyillər”

Xəbər verdiymiz kimi, bir neçə gün öncə rəqqaslar Oksana Rəsulova, Aytən və İlham Kərimlinin qonaq olduğu proqramların birində Oksana və İlham Kərimli bir-birlərilə söz savaşı ediblər.

Rəqqas İlham Kərimli proqramda sözünü deyə bilmədiyi üçün Lent.az-a danışmaq istədiyini bildirmiş və Oksananın ünvanına fikirlər demişdi. İlhamın iddialarından sonra Oksana Rəsulova Lent.az-a açıqlama verib: “Bu ittihamları dünən oxudum. Sözün açığı, belə şeyləri oxuyanda ürəkdən gülməyim gəlir. Bu insanlar paxıllıqdan bilmirlər ki, neyləsinlər. Biri var, paxıllıqdan heç olmasa acı həqiqəti deyəsən, biri də var ki, əməlli-başlı yalan danışasan. Mən nə yalan danışmaq istəyirəm, nə də həqiqətləri demək... Sadəcə, gülürəm”.

Açıqlamasının sonunda rəqqasə davalı olduğu həmkarlarına tövsiyə verib: “Bir də məsləhət görürəm ki, məni özlərinə rəqib görməsinlər. Çünki mən o insanlardan bir pillə yuxarıda olsa da, olmaq istəmirəm. Onlar mənim səviyyəmdə deyil”.

Leyla