Araş Putinə “prezident” dedi

Rusiyanın baş naziri Vladimir Putinin “Eurovision 2009” mahnı müsabiqəsinin keçiriləcəyi Olimpiya Mərkəzinə qəfil ziyarəti yarışın iştirakçılarının xeyli həyəcanlandırıb.
Lent.az-ın məlumatına görə, baş nazir zala daxil olarkən yarışda Azərbaycanı təmsil edəcək Aysel və Araş cütlüyü məşq edirmiş. Putin səhnəyə çıxaraq, Azərbaycan təmsilçiləri ilə görüşüb, onlara uğurlar arzulayıb. Aysellə Araş baş nazirin jestindən xeyli həyəcanlanıblar.
“Şübhəsiz ki, bu, baş nazirin bizim məşqlərimizi izləməsi böyük bir şərəf idi. Biz Vladimir Vladimiroviçin səhnəyə gəldiyini görəndə gözlənilməz hadisədən az qaldıq, bayılaq”, - deyə cütlük bildirib.

Araş isə “mən o qədər həyəcanlanırdım ki, Putinə “mister prezident” dedim. Güman edirəm ki, Vladimir Vladimiroviç məni bu xitaba görə bağışlayar və SMS göndərər”, - deyib.
Lalə Yusifqızı