“Eurovision”un qalibinə mükafatı dünya gözəli təqdim edəcək
12 may 2009 13:30 (UTC +04:00)

“Eurovision”un qalibinə mükafatı dünya gözəli təqdim edəcək

Büllur mikrofonu müsabiqənin rəsmi siması olan Kseniya Suxinova verəcək
“Eurovision-2009”-un qalibi mükafatı - büllur mikrofonu müsabiqənin rəsmi siması olan “Dünya gözəli” Kseniya Suxinovanın əlindən alacaq. Lent.az-ın Rusiya məbuatına istinadən məlumatına görə, xəbəri Rusiyanın birinci kanalının baş direktoru Konstantin Ernest deyib.
Ənənəyə görə, hər iştirakçı səhnəyə çıxmazdan öncə ölkəsi haqqında videorolik təqdim olunur. “Eurovision” tarixində ilk dəfə olaraq videoroliklərlə yanaşı, dünya gözəli Suxinova müxtəlif obrazlarda 42 plakat və fotolarla iştirakçı ölkələri anons edəcək.
“Eurovision-2009”-un prodüsseri Yuri Aksyutun sözlərinə görə, ideya Ernestə məxsusdur. “İdeya yaranıb həyata keçiriləndə EBU tərəfindən maraqla qarşılandı”.
Lalə Yusifqızı
# 1033

Oxşar yazılar