Faiq Ağayev Heydər Əliyev Sarayının səhnəsinə çıxdı! - EKSKLÜZİV

Lent.az-ın məlumatına görə, xalq artisti “Bu şəhərdə” yumoristik qrupunun konsertinə qatılıb.

“Ekstra hiss” səhnəcəyindən sonra tamaşaçıların gözləmədiyi halda Faiq Ağayev səhnədə görünüb. Sənətçi ilk 30 saniyəni danışa bilməyib. Alqışlardan sonra Faiq Ağayev Orta Asiya Azərbaycan mədəniyyət mərkəzlərinin baş koordinatoru Akif Ağatalıbovun adından “Bu şəhərdə”nin kollektivinə hədiyyə təqdim edib. Sənətçi özbək milli geyimi olan çapanı ssenari müəllifi Müşviq Abbasova geyindirib, qalan geyimləri isə Rafael və Coşquna hədiyyə edib.

Daha sonra o, “Ad günün mübarək” mahnısını oxuyub.

Qeyd edək ki, xalq artistinin səhnədə olduğu müddət ərzində onun başına gələn son hadisə haqqında heç kim heç nə danışmayıb.

Faiq Ağayev səhnədən endikdən sonra konsertin aparıcısı Kamilə Babayeva səhnəyə çıxıb və deyib: “Mən sizin iradəniz qarşısında baş əyirəm...”

Lalə Yusifqızı