Hüseyn Dərya ilə xanımı çəkiliş zamanı dalaşdı - EKSKLÜZİV

Lent.az-a daxil olan məlumata görə, reper duet ortağı, gənc müğənni Aynur ilə “Space” telekanalında yayımlanan “Olduğu kimi” verilişinin qonağı olub. Çəkiliş zamanı gözlənilmədən Sona xanım studiyada görünüb. Sənətçi ilə xanımı çəkiliş zamanı mübahisə ediblər. Mübahisəyə Sona xanımın həyat yoldaşını qısqanması səbəb olub. Bu görüntülər proqramın operatorları tərəfindən kameralara çəkilib.

Sona xanım Lent.az-a açıqlamasında məlumatı təsdiqləyib. O, çəkiliş meydançasına gəlməyinə səbəb gəzən şayiələrə son qoymaq olduğunu deyib: “Hüseyn məni başa düşmədi. Nəticədə narazılıq yarandı və hay-küyə çevrildi”.

Verilişin rejissoru Aynurə Tahirqızı isə açıqlamasında “Olduğu kimi” adlı verilişin montaj olmayacağını, elə bu şəkildə də efirə gedəcəyini deyib: “Bir halda ki proqramın adı “Olduğu kimidir”, elə olduğu kimi də efirə verəcəyik”.

Proqram sentyabrın 3-də ekrana çıxacaq.

Lalə