13 may 2021 11:28 (UTC +04:00)

Uşağı vurub qaçan sürücünü yaxaladılar

Mayın 11-də Gəncə şəhərinin N.Gəncəvi prospektində müəyyən edilməmiş avtomobillə yolu keçən şəhər sakini, azyaşlı E.Məmmədov vurulub.

Daxili İşlər Nazirliyindən Lent.az-a verilən məlumata görə, uşağa xəstəxanada ilkin tibbi yardım göstərildikdən sonra buraxılıb.

Nizami (Gəncə) Rayon Polis İdarəsi əməkdaşlarının keçirdikləri əməliyyat-axtarış tədbirləri nəticəsində hadisənin “Mercedes” markalı avtomobillə törədilməsi müəyyən edilib. Xəsarətlə nəticələnən yol-nəqliyyat hadisəsini törətməkdə şübhəli bilinən həmin avtomobilin sürücüsü, Gəncə şəhər sakini N.Şükürlü saxlanılıb. 

Araşdırma aparılır.

# 597
avatar

Oxşar yazılar