Qarabağdan olan "qanuni oğru"ya HÖKM OXUNDU

Rusiyanın Orenburq Vilayət Məhkəməsi “qanuni oğru” 59 yaşlı Raşid Xaçatryana hökm oxuyub.

Lent.az yerli mediaya istinadla bildirir ki, əslən Qarabağ ermənisi olan və Raşid Cambulski kimi tanınan Xaçatryan xüsusi rejimli cəzaçəkmə müəssisəsində 17 il 6 aylıq həbs cəzasına məhkum edilib.

Qeyd edək ki, o, ilk dəfə 1986-cı ildə Ağdərə rayon Məhkəməsinin qərarı ilə 5 il müddətinə həbs edilib. Azadlığa çıxandan sonra Cambulski Azərbaycandan Rusiyanın Orenburq vilayətinə köçüb.