Neftin qiyməti eyni səviyyədə qaldı - 37 dollar

İraqın şimalından neft nəqlinin dayandırılması dünya bazarında “qara qızıl”ın qiymətinə gözlənilən təsiri göstərməyib. Həftənin əvvəlindən başlayaraq neftin qiyməti 37 dollar səviyyəsində stabilləşib. Birjaların səhər seanslarında “Brent” markalı neft yenə bu qiymətə satılıb. Qərbi Texas nefti isə dünən uzun müddətdən sonra 35 dollarlıq psixoloji həddi keçməyə müvəffəq olub. Sonrakı hərraclarda qiymət nisbətən aşağı düşüb və bu gün səhər WTI nefti 34,80 dollardan satılıb. Treyderlər qiymətlərin martın ortasınadək sabit qalacağını proqnozlaşdırılar.