Azərbaycanın kənd təsərrüfatı naziri Heydər Əsədov Türkiyənin ərzaq, kənd təsərrüfatı və heyvandarlıq naziri Mehdi Ekerin dəvəti ilə qardaş ölkədə səfərdədir.
Lent.az-ın AzərTAc-a istinadən məlumatına görə, Türkiyəli nazir aqrar sahədə Azərbaycan ilə bir sıra layihələr həyata keçirildiyini vurğulayıb və bu əməkdaşlığın BMT Ərzaq Proqramının Ankaradakı Regional Mərkəzindəki layihələr çərçivəsində davam etməsinin zəruriliyini söyləyib. Onun sözlərinə görə, hazırda Türkiyə ilə Azərbaycan arasında 17 müştərək layihə uğurla həyata keçirilir. İki qardaş ölkənin mütəxəssisləri arasında təcrübə mübadiləsi də böyük əhəmiyyət kəsb edir.
Heydər Əsədov nazir təyin olunduqdan sonra ilk səfərini qardaş Türkiyəyə etdiyini bildirmiş, iki ölkə arasında kənd təsərrüfatı məhsullarının ixrac və idxalının artmasının zəruriliyini vurğulayıb. O, Azərbaycan tərəfinin Türkiyənin aqrar sahədə zəngin təcrübəsindən faydalanmaq istədiyini də söyləyib.
Səfər çərçivəsində H.Əsədovun başçılıq etdiyi nümayəndə heyəti Ankarada kənd təsərrüfatı, bitkiçilik laboratoriyaları və elmi-tədqiqat mərkəzlərində də olub.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
