04 fevral 2014 07:13 (UTC +04:00)

Gürcüstanın neft ehtiyacını 30 faizini Azərbaycan təmin edir

2013-cü ildə Gürcüstan Azərbaycandan 295,74 min ton 275,69 milyon dollarlıq neft və neft məhsulları idxal edib.

Lent.az-ın «Qruziya onlayn»-a istinadən məlumatına görə, bu haqda Gürcüstanın Milli statistika xidmətinin hesabatında bildirilib.

2013-cü ildə Gürcüstan toplam 954,41 milyon dollarlıq neft və neft məhsulları idxal edib. Bu idxalatda Azərbaycanın payı 28,89 faiz olub.

Hesabata əsasən, ötən il Gürcüstanın Azərbaycan idxal etdiyi neft və neft məhsullarının həcmi 17,83 faiz və ya 45,48 min ton azalıb.

2013-cü ilin hesabat dövründə Azərbaycandan bu ölkəyə idxal olunan neft və neft məhsullarının ümumi həcmi 43,2 faiz olub.

Ötən il Gürcüstan Azərbaycandan 638,11 milyon dollarlıq məhsul idxal edib.

Bu dövrdə Azərbaycandan Gürcüstana idxalatın həcmi 0,7 faiz artıb.

535