Qiymətli Kağızlar üzrə Dövlət Komitəsi İnnovative İnternational Group Ltd” holdinq qrupuna daxil olan “Life Division” MMC-nin fəaliyyətini dayandırıb. Bu barədə Lent.az-a Komitədən məlumat verilib. Belə ki QKDK tərəfindən aparılan nəzarət tədbirləri nəticəsində Britaniyada hüquqi şəxs kimi qeydiyyatdan keçmiş “İnnovative İnternational Group Ltd” holdinq qrupuna daxil olan “Life Division” MMC-nin Azərbaycan Respublikasındakı filialı tərəfindən müvafiq lisenziya alınmadan aktivlərin idarəedilməsi fəaliyyəti üzrə xidmətlərin təklif edilməsi müəyyən olunmuş və həmin fəaliyyətin dayandırılması barədə göstəriş verilib. Cəmiyyət 08 aprel 2014-cü il tarixindən etibarən həmin fəaliyyətin dayandırıldığını bildirib.
Komitə “İnnovative İnternational Group Ltd” və ya “Life Division” MMC-nin müştərisi olan investorları bu şirkətlərlə münasibətlərdə, onların Azərbaycan Respublikası ərazisindəki fəaliyyətinin qanunsuz olduğunu nəzərə almağa çağırır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
