Azərbaycanda taxil əkin sahəsi azalıb

Təsərrüfatlarda payızlıq taxıl bitkilərinin kütləvi səpini davam edir. Dövlət Statistika Komitəsindən Lent.az-a verilən məlumata görə, 822,3 min hektar sahədə payızlıq bitkilər, o cümlədən 806,6 min hektarda dən üçün payızlıq bitkilər səpilib.

Dən üçün payızlıq bitkilərin 502,8 min hektarını (62,3 faizi) buğda, 303,8 min hektarını (37,7 faizini) isə arpa təşkil edib.

Ötən ilin müvafiq dövrü ilə müqayisədə dən üçün payızlıq bitkilərin əkin sahəsi 11,5 faiz, o cümlədən buğdanın əkin sahəsi 17,2 faiz, arpanın əkin sahəsi isə 0,1 faiz azalıb.