Azərbaycanın “PAŞA Bank” Açıq Səhmdar Cəmiyyəti Türkiyənin “TAİB Bank”ının səhmlərini bir hissəsini alıb. Lent.az-ın məlumatına görə, bunu marja.az-a “PAŞA Bank”ın İdarə Heyətinin üzvü, Baş investisiya inzibatçısı Taleh Kazımov bildirib: “Biz artıq lisenziyanın alınması üçün Türkiyənin Bank Bazarını Tənzimləmə Təşkilatına müraciət etmişik və onların qərarını gözləyirik”.
Taleh Kazımov “TAİB Bank”ın səhmlərinin neçə faizinin əldə edildiyini açıqlamayıb. Bu barədə məlumatın lisenziya alındıqdan sonra veriləcəyini bildirib.
O, qeyd edib ki, Türkiyədə bankın alınmasında məqsəd bu ölkədə böyüyən Azərbaycan biznesinə bank xidmətləri göstərməkdir.
“PAŞA Bank”ın İdarə Heyətinin üzvü əlavə edib ki, “TAİB Bank”ın adı dəyişdirilərək “PAŞA Bank” adlandırılacaq.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
