Avropa Komissiyası (AK) bu gün Bakıda “Şahdəniz-2” layihəsi üzrə yekun investisiya sazişinin imzalanmasını alqışlayıb.
Avropa Birliyinin Azərbaycandakı nümayəndəliyindən “APA-Economics”ə verilən məlumata görə, bu barədə AK-nın mətbuat xidmətinin yaydığı bəyanatda bildirilir.
Qeyd olunur ki, bu sazişin imzalanması 2019-cu ilin əvvəlindən başlayaraq Avropanın hər il milyardlarla kubmetr qaz alacağını təsdiqləyib: “İndiyədək qəbul olunmuş bütün qərarlar, o cümlədən TAP layihəsinin Azərbaycan qazının Avropaya əsas ixrac marşrutu kimi seçilməsi bu yekun investisiya qərarı ilə şərtlənib.
AK-nın prezidenti Joze Manuel Barrozu bildirib ki, “Şahdəniz-2” layihəsi üzrə yekun investisiya sazişinin imzalanması Avropanın daha güclü enerji təhlükəsizliyinə qapı açmağa imkan verir: “2011-ci ilin yanvarında Azərbaycan prezidenti İlham Əliyevlə imzaladığım birgə bəyannaməyə əsaslanan bu addım AB-nin Xəzər hövzəsinin qazına birbaşa çıxışı deməkdir. Enerji daşıyıcılarının nəql marşrutlarının diversifikasiyası avropalı istehlakçıların və müəssisələrin rifahına xidmət edəcək”.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
