Təhsil xərcləri 61,3 milyon manat artırılacaq
26 may 2011 13:04 (UTC +04:00)

Təhsil xərcləri 61,3 milyon manat artırılacaq

Bu il Azərbaycanda dövlət büdcəsindən təhsil xərcləri üçün ayrılan vəsait 61,3 milyon manat (4,6%) artırılaraq 1,4 milyard manata çatdırılacaq. Lent.az-ın məlumatına görə, bu, “Azərbaycan Respublikasının 2011-ci dövlət büdcəsi haqqında” qanuna təklif olunan dəyişikliklərdə nəzərdə tutulub.

Dəyişikliklərdə qeyd olunur ki, 2011-ci ildə təhsil sahəsində əməkhaqqı və pensiya təminatı sisteminin təkmilləşdirilməsi və digər sosial tədbirlərin maliyyələşdirilməsi ilə bağlı xərclər 58 milyon manat, mühafizə, kommunal, kommunikasiya və digər xidmətlər üzrə yeni tariflərin tətbiqi ilə bağlı xərclər 3,3 milyon manat, ali təhsil müəssisələrində yeni maliyyələşmə mexanizminin tətbiq edilməsi ilə bağlı xərclər isə 7,6 milyon manatadək artırılacaq. Qeyd edək ki, qanun layihəsi sabah Milli Məclisin plenar iclasında müzakirəyə çıxarılacaq.

Mübariz Aslanov
# 581

Oxşar yazılar