DəmirBank-ın aktivləri 18,4 faiz artıb
26 may 2011 11:32 (UTC +04:00)

DəmirBank-ın aktivləri 18,4 faiz artıb

DəmirBank-ın aktivləri 1 may 2011-ci il tarixinə 325,2 mln. manat təşkil edib, bu isə ötən ilin müvafiq göstəricisi ilə müqayisədə 50,6 mln. manat və ya 18,4% çoxdur. Müştərilərə verilən kreditlərin həcmi isə bu dövr ərzində 44,9 mln. manat və ya 23,8% artaraq 233,3 mln. manatı keçib.

Bankda müştəri depozitlərinin həcmi 1 may 2011-ci il tarixinə 128,2 mln. manat olub. Əhalinin əmanətlərinin həcmi isə 1 may 2011-ci il tarixinə 90,8 mln. manat təşkil edib ki, hesabat dövrü ilə müqayisədə bu göstərici 13,6% və ya 10,8 mln. manat çoxdur.

Bankın nizamnamə kapitalı 1 may 2011-ci il tarixinə 20 mln. manat, məcmu kapitalı isə 48,5 mln. manat olub.

Ölkənin ilk banklarından olan DəmirBank (əvvəlki adı Azərdəmiryolbank) 1989-cu ildə fəaliyyətə başlayıb. Bankın səhmdarları sırasına beynəlxalq maliyyə təşkilatları olan Avropa Yenidənqurma və İnkişaf Bankı və Hollandiya İnkişaf Maliyyə Şirkəti (FMO) daxildir.
# 565

Oxşar yazılar