Bakıda 1101 manata soyuducu təmiri sexi satılır

Əmlak Məsəlləri Dövlət Komitəsi iyunun 21-də respublikanın şəhər və rayonlarında hərraca çıxarılacaq kiçik dövlət müəssisə və obyektlərinin siyahısını açıqlayıb. Lent.az-ın Əmlak Məsələləri Dövlət Komitəsinin rəsmi saytına istinadən verdiyi məlumata görə, hərraca çıxarılacaq kiçik dövlət müəssisə və obyektləri İstehsal və Xidmət Müəssisələrinin İdarəetmə Mərkəzinə məxsusdur.

Bakı şəhəri, Suraxanı rayonu, Yeni Günəşli qəsəbəsi, “D” yaşayış sahəsi, 13. ünvanında yerləşən 45 nömrəli mağazanın sahəsi 149 kvadratmetrdir. Mağazanın start satış qiyməti 13 min 485 manat, ilkin satış qiyməti 11 min 462 manatdır.

Bakı şəhəri, Xəzər rayonu, Şüvəlan qəsəbəsi, A.İldırım küçəsi, 34. ünvanında yerləşən 13 nömrəli soyuducu təmiri sexinin sahəsi 25,9 kvadratmetrdir. Soyuducu təmiri sexinin ilkin start satış qiyməti 1 295 manat, ilkin satış qiyməti 1 101 manatdır.

Lənkəran rayonu, Ürgə kəndində yerləşən qeyri-yaşayış sahəsinin sahəsi 76,6 kvadratmetrdir. Bu obyektin ilkin start və ilkin satış qiyməti 3 min 100 manatdır.