DəmirBank-dan pul köçürmələri üzrə növbəti 16 müştəri lotereyada pul qazandı

Bu müştərilərdən 1 nəfər 1000 manat, 5 nəfər hər biri 200 manat və 10 nəfər hər biri 100 manat pul məbləği udub. Qaliblərin siyahısı Bankın İnternet saytında verilir. Bank həmçinin qaliblərə telefonla məlumat verir.

Kampaniyanın növbəti tirajı 16 iyun tarixində keçiriləcək. DəmirBank-ın filiallarında “Western Union”, “Coinstar”, ”Contact”, “Blizko”, “PrivatMoney”, “Bıstraə poçta”, “Zolotaə korona” və ya “Şimşək” sistemi ilə ən azı 300 AZN / USD / EUR və ya 9000 RUR məbləğində pul vəsaiti köçürən və ya alan müştərilər uduş kampaniyasında avtomatik iştirak edir. Hər köçürmə əməliyyatı 1 şansa bərabərdir.

“DəmirBank pul köçürmələri üzrə uduş kampaniyası ilə yanaşı digər aksiyalar da keçirir. Belə ki, Bankın filiallarında ən azı 500 AZN / USD / EUR və ya 15000 RUR məbləğində pul köçürənə və ya alana 1 manatlıq, ən azı 2000 AZN / USD / EUR və ya 60000 RUR olduqda müştəriyə 2 manatlıq mobil rabitə kartı hədiyyə olunur. Bankın daha bir aksiyası üzrə Western Union sistemi ilə köçürmə edən və alan müştərilər hədiyyə və lotereya kampaniyasında iştirak edir” – deyə Bankın İdarə Heyətinin Sədr Müavini Yusif Cabbarov bildirib.

DəmirBank-ın Bakı və regionlarda 30 filialı pul köçürmə xidmətləri göstərir. Ölkənin Bakı, Gəncə, Sumqayıt, Şəki, Zaqatala, Yevlax, Bərdə, Qazax, Quba, Qusar, Göyçay, Ağdaş, Ağsu, Şamaxı, Lənkəran, Masallı, Sabirabad və İmişli şəhərlərində filialları fəaliyyət göstərir.

Bankın pul köçürmələri üzrə Uduş kampaniyası və aksiyaları barədə www.demirbank.az saytından və ya 149 nömrəsinə zəng etməklə ətraflı məlumat əldə etmək olar.