FHN-in tabeliyində olan qurumların yerləşdiyi yeni binanın açılışı olub
10 may 2011 10:41 (UTC +04:00)

FHN-in tabeliyində olan qurumların yerləşdiyi yeni binanın açılışı olub

APA-nın xəbərinə görə, mərasimdə fövqəladə hallar naziri, general-polkovnik Kəmaləddin Heydərov da iştirak edib. Rəmzi açılışı bildirən lenti kəsən nazir inzibati binada yaradılan şəraitlə tanış olub.

Yeni inşa olunan 12 mərtəbəli binada FHN-in 7 qurumu – Dövlət Yanğından Mühafizə Xidməti, Dövlət Yanğın Nəzarəti Xidməti, Sənayedə İşlərin Təhlükəsiz Görülməsi və Dağ Mədən Nəzarəti Dövlət Agentliyi, Tibb Xidməti, Kiçik Həcmli Gəmilər üzrə Dövlət Müfəttişliyi, Dövlət Mineral Ehtiyatlar Agentliyi, Nüvə və Radioloji Fəaliyyətin Tənzimlənməsi üzrə Dövlət Agentliyi yerləşir.

Qeyd edək ki, bu gün FHN-in Hövsanda yerləşən Akademiyasının yeməkxanasının da açılışı olub. Müasir standartlara cavab verən yeməkxanada 10 min nəfərə xidmət göstərmək üçün hər cür şərait var.
# 1173

Oxşar yazılar