8 milyon Dünya Bankı, 2 milyon Azərbaycan hökuməti ayıracaq
Bu gün Təhsil Nazirliyində Azərbaycan hökuməti ilə Dünya Bankı arasında Dövlət İnvestisiyaları üzrə “Kadr Potensialının Gücləndirilməsi” layihəsi üzrə Maliyyələşdirmə Sazişinin imzalanmasına həsr olunmuş mərasim keçirilib.
Lent.az-ın Təhsil Nazirliyinin rəsmi saytına istinadən verdiyi məlumata görə, təhsil naziri Misir Mərdanov mərasimi giriş sözü ilə açaraq bildirib ki, layihənin əsas məqsədi prioritet sektorlarda, xüsusilə infrastruktur sektorunda investisiya layihələrinin hazırlanması, icra keyfiyyətinin və səmərəliliyinin artırılmasından ibarətdir.
Misir Mərdanov qeyd edib ki, layihə həm layihə idarəetməsi üzrə müasir metodologiyalar sahəsində təlimlərin keçirilməsini, həm də yol, su təchizatı və kanalizasiya xidmətləri sektorları kimi seçilmiş sahələrdə xüsusi texniki təhsilin təmin edilməsini nəzərdə tutur. Təhsil naziri layihədə fəaliyyət istiqamətlərinin əsasını təşkil edən müvafiq sektorlar üzrə mütəxəssislərin seçilməsi, treninq proqramlarının hazırlanması, treninqlərin keçirilməsi, bacarıqların qiymətləndirilməsi, müvafiq dövrdə inkişafın izlənilməsi barədə danışıb, ümumi dəyəri 10 milyon dollar olan bu layihənin 4 komponentdən ibarət olması, onun iki ay sınaq müddəti olmaqla 2010-2013-cü illəri əhatə etməsi haqqında məlumat verib.
Misir Mərdanov bildirib ki, həmin vəsaitdən 8 milyon dollar Beynəlxalq İnkişaf Assosiasiyasının Azərbaycana verdiyi uzunmüddətli kreditin, 2 milyon dollar isə Azərbaycan hökumətinin payına düşür. Dünya Bankının Cənubi Qafqaz üzrə Regional Direktoru Əsəd Ələm öncə təmsil olunduğu qurumla Təhsil Nazirliyi arasında yüksək əlaqələrin qurulmasından, birgə reallaşdırılan tədbirlərdən söz açıb. Qonaq, həmçinin imzalanacaq layihənin mahiyyəti, onun əhatə etdiyi əsas sahələrdən də danışıb, nəzərdə tutulan tədbirlərin uğurla həyata keçiriləcəyinə ümidvar olduğunu diqqətə çatdırıb.
Sonda təhsil naziri Misir Mərdanov və Dünya Bankının Cənubi Qafqaz üzrə Regional Direktoru Əsəd Ələm Azərbaycan Hökuməti ilə Dünya Bankı arasında Dövlət İnvestisiyaları üzrə kadr potensialının gücləndirilməsi layihəsi üzrə Maliyyələşdirmə Sazişini imzalayıblar.
“Kadr Potensialının Gücləndirilməsi” layihəsi üzrə 10 milyon dollarlıq saziş imzalandı
İDMAN XƏBƏRLƏRİ
1110
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
Oxşar yazılar
"Azercell"in antikorrupsiya siyasəti beynəlxalq ekspertlər tərəfindən dəyərləndirildi
11 dekabr 2024 , 15:30
ABB Biz-də qeydiyyatdan keçib Mobil POS istifadə et, kiçik biznes üçün 9%-lə kredit al!
11 dekabr 2024 , 15:17
Bakının bu rayonlarında işıq olmayacaq
11 dekabr 2024 , 10:53
"Unibank"a 3-24 ay müddətinə əmanət qoy, yüksək gəlir qazan!
10 dekabr 2024 , 17:20
“Çaybulans” payız günlərində bölgələrə yola düşüb
10 dekabr 2024 , 15:44
"Azercell" ilə “Kinon Plus”dan 7 gün pulsuz istifadə imkanı
10 dekabr 2024 , 15:23
Azərbaycanda özəl pensiya fondları yaradılır - ŞAD XƏBƏR
10 dekabr 2024 , 10:59
