Dubay şahzadəsi Telman İsmayılovun otelində 7 villa kirayələdi
27 iyul 2009 16:00 (UTC +04:00)

Dubay şahzadəsi Telman İsmayılovun otelində 7 villa kirayələdi

Həmin müddətdə “Mardan Palace”a başqa qonaqlar qəbul edilməyib
Azərbaycan əsilli iş adamı Telman İsmayılovun Antalyada 1,4 milyard dollara tikdirdiyi “Mardan Palace” otelində keçən həftə Dubay şahzadəsi El Maktum dincəlib.
Lent.az-ın türk mətbuatına istinadən verdiyi xəbərə görə, yaxınlarıyla bərabər xüsusi təyyarə ilə gizlicə Antalyaya gələn El Maktum 7 özəl VİP villa kirayələyib. Onun “Mardan, Palace”da olduğu dövrdə oteldə qalmaq üçün müraciət edənlərin çoxu qəbul edilməyib.
Bu arada türk mətbuatı Monako şahzadəsi Albertin də “Mardan” otelinin son qonaqları arasında olduğunu yazıb.
Ancaq türk mətbuatı ötən iki ayda Telman İsmayılovun otelinin bütün otaqlarını müştərilərlə doldurmaqda çətinlik çəkdiyini iddia edib. İki ayda yalnız otelin imkanlarının 34 faizindən istifadə olunub. Rusiyadan gözlənən turist axınından da hələ xəbər yoxdur. Bu, rus hökumətinin Azərbaycan əsilli iş adamına qarşı son vaxtlar sərgilədiyi münasibətlə əlaqələndirilir.
# 738

Oxşar yazılar