Restoran və kafelərdə də yararsız qida məhsulları tapılıb – SİYAHI
08 iyul 2010 16:40 (UTC +04:00)

Restoran və kafelərdə də yararsız qida məhsulları tapılıb – SİYAHI

Bu iaşə obyektləri arasında Bakıda məşhur olan “Nülufər” şadlıq sarayı da var

İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidmətinin ticarət mərkəzlərində apardığı monitorinqlərin nəticəsini açıqlayıb. Bu dəfə yoxlamalar təkcə mağazalarda yox, restoranlarda da aparılıb.

Nazirliyin mətbuat xidmətindən Lent.az-a bildiriblər ki, monitorinq zamanı 6 restoran və kafedə, habelə 24 mağazanın hər birində istifadə müddəti ötmüş yararsız məhsullar aşkarlanıb. Mağazaların böyük əksəriyyəti yenə də paytaxt Bakının payına düşür. Həmin mağaza, restoranlar və kafelər bunlardır:

Bakının Nəsimi rayonunda
- 4-cü mikrorayon, Cavad xan küçəsi, ev 76 ünvanında yerləşən “Saraçlı” kafesində;
- Tolstoy küçəsi 156, mənzil 1 ünvanında yerləşən “L Gusto” restoranında;

Xətai rayonunda
- Əhmədli qəsəbəsində, M.Rüstəmov küçəsi, ev 34 C ünvanında yerləşən “Nülufər” şadlıq sarayında;

Yasamal rayonunda
- Z.Xəlilov küçəsi, 553-cü məhəllədə yerləşən “Şeraton” restoranında;
- H.Cavid prospekti, ev 17, mənzil 18 ünvanında yerləşən “Sevimli dad market”də;

Səbail rayonunda
- R.Rza küçəsi, ev 3, mənzil 5 ünvanında yerləşən “Anadolu” restoranında;

Nizami rayonunda
- M.Şərifli küçəsi, 1B ünvanında “İllac” MMC-yə məxsus mağazada;
- Nəsimi küçəsi, ev 18 ünvanında yerləşən “Natiq market”də;

Abşeron rayonunun Mehdiabad qəsəbəsində
- İradə Ağamirzəyevaya məxsus mağazada;
- Mehdiabad qəsəbəsi, ev 28 May ünvanında yerləşən “Bərəkət market”də;
- Üzümçü küçəsi, 12 A ünvanında yerləşən “Lider market”də;

Binəqədi rayonunda
- Binəqədi şossesi, 2-ci mədən ünvanında yerləşən “Lider market”də;
- Balaxanı şossesində Vüqar Orucova məxsus mağazada;
- S.Məmmədova küçəsi, 207 ünvanında yerləşən “Kral ət məhsulları market”də;
- Binəqədi şossesi, ev 8 ünvanında yeləşən “Aromat market”də

Tərtər rayonunda
- H.Əliyev prospektində Fizuli Nisanova məxsus mağazada;

Sabunçu rayonunda
- Bakıxanov qəsəbəsi, M.Fətəliyev prospekti, ev 53 ünvanında yerləşən “Gloriya market”də;

Xaçmaz şəhərində
- N.Nərimanov küçəsində İlham Ramazanova məxsus mağazada;

Zərdab şəhərində
- Azərbaycan küçəsi, 41 ünvanında yerləşən “Mayak” mağazasında;
- Azərbaycan küçəsi, 53 ünvanında yerləşən “Üfüq market”də;

Şəmkir şəhərində
- S.Vurğun küçəsi 127 ünvanında Rauf Hacıyevə məxsus mağazada;
- S.Qurbanov küçəsində yerləşən “Cırtddan market”də;

Göygöl şəhərində
- Aşıqlı kəndində yerləşən “Anadolu market”də;
- S.Hacıyev küçəsi, 71B ünvanında Tarix Nəsirova məxsus mağazada;

Gəncə şəhərində
- Ə.Əliyev küçəsi 91 ünvanında İlqar Mirzəliyevə məxsus mağazada;
- F.Əmirov küçəsi ilə İ.Cəfərov küçəsinin kəsişməsində yerləşən “Anar market”də;

Ağdaş şəhərində
- H.Əliyev prospektində Rəhim Nəbiyevə məxsus mağazada;

Ucar rayonunda
- Azərbaycan küçəsində Nüsrət Mehdiyevə məxsus mağazada;
- Azərbaycan küçəsində Zeynal Əhmədova məxsus mağazada;

Monitorinq zamanı ümumi çəkisi 546 kiloqram olan saxlama müddəti ötmüş və etiketlənməsi normativ-texniki sənədlərin tələblərinə uyğun olmayan ərzaq məhsulları satışdan çıxarılıb. Kolbasa məmulatları, makaron və un məmulatları, süd və süd məhsulları, qənnadı məmulatları, bal, yağlar, konservləşdirilmiş məhsullar, quru meyvələr, pivə, mineral sular, sərinləşdirici içkilər, şirələr, uşaq yeməkləri və digər məhsullardan ibarət saxta məhsulların hamısı məhv edilib.

Elxan SALAHOV
# 1084

Oxşar yazılar