Azərbaycanda illik inflyasiya 6,52 faizə çatıb. İqtisadi Tədqiqatlar Mərkəzi (İTM) “Alternativ inflyasiya səviyyəsinin hesablanması və modellərin işlənilməsi” layihəsi çərçivəsində may ayı Azərbaycanın 22 regionunda apardığı statistik müşahidələrdən sonra belə nəticəyə gəlib.
İTM-in mətbuat xidmətindən Lent.az-a bildiriblər ki, statistik müşahidələr ötən ay ərzində Azərbaycanda istehlak qiymətləri 0,06 faiz azaldığını göstərir. Nəticələrə əsasən, may ayında Bakıda qiymətlər 0,06 faiz, regionlarda isə 0,05 faiz azalıb. Bu ilin beş ayında ölkədə 2,41 faiz inflyasiya baş verib.
Ötən ilin mayına nisbətən ölkədə istehlak qiymətləri indeksi 6,52 faiz artıb. Bu dövrdə qiymət və tariflərin məcmu və qruplar üzrə indeksləri cədvəldəki kimi dəyişib:
| May Aprel | May 2010 /Dekabr 2009 | Yanvar-may 2010/Yanvar-may 2009 |
Cəmi ərzaq malları və xidmətlər (İnflyasiya) | -0,06 | +2,41 | +5,56 |
Ərzaq malları, içkilər və tütün | -0,08 | +4,40 | +6,73 |
Qeyri-ərzaq malları | -0,21 | - 0,25 | -1,15 |
Xidmətlər | +0,18 | +0,53 | +10,82 |
2010-cu ilin aprelinə nisbətdə may ayında paytaxt və regionlar üzrə istehlak qiymətləri indeksinin dəyişməsi aşağıdakı kimi olub:
| Cəmi mallar və xidmətlər üzrə | Ərzaq | Qeyri-ərzaq | Xidmətlər |
Bakı şəhəri | -0,06 | +0,02 | - 0,36 | +0,10 |
Regionlar | -0,05 | -0,17 | -0,06 | +0,25 |
May ayı ərzində ərzaq məhsulları üzrə ən çox bahalaşma naringi (5 faiz), qeyri-ərzaq məhsulları üzrə qum (4,42 faiz), xidmətlərdən işdə, məktəbdə və s. yeməkxanalarda yeməklə təmin edilmə xidmətləri (2,49 faiz), ən çox ucuzlaşma isə ərzaq məhsullarından baş soğan (9,35 faiz), badımcan (9, 34 faiz), göyərti (3,56 faiz), qeyri-ərzaq məhsullarından isə kişi üçün cins şalvarlarda (4,64 faiz) müşahidə edilib.
Elxan SALAHOV
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
