Azərbaycanla Türkiyə qaz anlaşması imzalayacaq

“Şahdəniz-1” və “Şazdəniz-2” layihəlri ilə bağlı razılıq əldə olunub

7-8 iyun tarixlərində İstanbulda qaz anlaşma imzalanacaq.

Lent.az-ın Türkiyə mətbuatına istinadən verdiyi məlumata görə, Türkiyənin enerji və təbii qaynaqlar naziri Taner Yıldız deyib ki, Azərbaycanla Türkiyə arasında Türkiyəyə satılan qazın qiyməti və Türkiyə üzərindən ötürüləcək qazın tranzit xərcləri ilə bağlı problemlər həllini tapıb.

Taner Yıldız “Şahdəniz-2” layihəsi ilə bağlı anlaşmanın Azərbaycan prezidenti İlham Əliyev və Rusiyanın baş naziri Vladimir Putinin iştirakı ilə imzalanacağını söyləyib. Layihə 2016-2017-ci ildə “Şahdəniz” yatağından çıxarılacaq qazın həm Türkiyə, həm də Türkiyə üzərindən Avropaya nəqlini nəzərdə tutur: “Bu, bölgəmizdə ən önəmli anlaşmalardan biri olacaq”.

Türkiyənin enerji və təbii qaynaqlar naziri “Şahdəniz-1” layihəsi çərçivəsində çıxarılan qazın qiyməti və bölüşdürülməsi ilə məsələnin də gündəmə gələcəyini söyləyib: “2011 və sonrakı illər üçün qazla bağlı bir sıra məsələlərdə tam razılığa gəlinib. Azərbaycanlı qardaşlarımızla əməkdaşlığımızın yeni enerji layihələri ilə inkişaf etdirilməsi gündəmə gələcək. Bu məsələdə hər hansı problemin ortaya çıxacağını düşünmürəm”.