29 mağazada yararsız məhsul aşkarlandı - SİYAHI

Saxta məhsullar 2 şəhərdə və 6 rayon mərkəzində fəaliyyət göstərən mağazalardan yığışdırılıb

İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidmətinin ticarət mərkəzlərində apardığı monitorinqlərin nəticəsini açıqlayıb. Bu dəfə yoxlamalar Bakı və Gəncə şəhərini, eləcə də Qəbələ, Siyəzən, Bərdə, Goranboy, Ucar və Fizuli rayonlarını əhatə edib.

Nazirliyin mətbuat xidmətindən Lent.az-a bildiriblər ki, monitorinq zamanı 29 mağazanın hər birində istifadə müddəti ötmüş yararsız məhsullar aşkarlanıb. Mağazaların böyük əksəriyyəti yenə də paytaxt Bakının payına düşür. Həmin mağazaları bunlardır:

Bakının Yasamal rayonunda

- Ə.Ələkbərov və M.Rəhim küçələrinin kəsişməsi, 534-cü məhəllədə yerləşən “Sərvət market”də;
- Ə.Ələkbərov küçəsi, ev 13 A ünvanında Cəmilə Bayramovaya məxsus mağazada;
- Ə.Ələkbərov küçəsi, ev 12, mənzil 15 ünvanında yerləşən “Dadlı market”də;
- Ə.Ələkbərov küçəsi, 508-ci məhəllə, ev 8, mənzil 1 ünvanında yerləşən “Sünbül market”də;
- A.Şaiq küçəsi, ev 241 ünvanında yerləşən “Bibi” restoranında;

Nəsimi rayonunda

- Nizami küçəsi, ev 81ünvanında yerləşən “Şaurma 1” kafesində;

Nərimanov rayonunda

- Təbriz küçəsi, ev 99 ünvanında yerləşən “Uğur market”də;
- Təbriz küçəsi, ev 99, mənzil 53 ünvanında yerləşən “Real market”də;
- Yusifov küçəsi, ev 38, mənzil 2 ünvanında yerləşən “111market”də;
- F.Yusifov küçəsi, ev 51 ünvanında yerləşən “Aysel market”də;
- A.Nemətulla küçəsi, 80 ünvanında yerləşən “Zövq market”də;

Xəzər rayonunda

- Mərdəkan qəsəbəsi, Avtovağzal ərazisində Zakir Mirzəyevə məxsus mağazada;
- Şağan qəsəbəsi, N.Məmmədov küçəsində yerləşən “Şağan market”də;
- Mərdəkan qəsəbəsi, Bakı-Mərdəkan şossesində Elşən Məmmədova məxsus mağazada;
- Mərdəkan qəsəbəsi, Yesenin küçəsində Zakir Cəfərova məxsus mağazada;
- Mərdəkan qəsəbəsi, B.Əliyev küçəsində Bəxtiyar Əhmədova məxsus mağazada;
- Mərdəkan qəsəbəsi, O.İsmayılov 7/ N.İsmayılov küçəsi, 1 ünvanında Eldar Muradova məxsus mağazada;
- Mərdəkan qəsəbəsi, B.Əliyev küçəsi, ev 15/1 ünvanında yerləşən “Pepsi market”də;

Sabunçu rayonunda

- Bakıxanov qəsəbəsi, Mehmandarov küçəsi, 5A ünvanında Məmmədhüseyn Hüseynova məxsus dondurma mağazasında;
Gəncə şəhərində
- İ.Qayıbov küçəsi, 175 A ünvanında yerləşən “Elit market”də;
- Yeni Gəncə qəsəbəsində Səfayət Savadovaya məxsus mağazada;
- Təbriz küçəsi, ev 84 ünvanında Arzu Quliyevə məxsus mağazada;

Qəbələ şəhərində

- İ.B.Qutqaşınlı küçəsində yerləşən “Günəş mağaza”da;

Siyəzən şəhərində

- H.Əliyev küçəsində yerləşən “Final market”də;

Bərdə şəhərində

- H.Aslanov küçəsində yerləşən “İlqar market”də;

Goranboy rayonunda

- H.Əliyev küçəsində Şəlalə Musayevaya məxsus mağazada;
- Borsunlu kəndində yerləşən “Final market”də;

Ucar rayonunda

- Koroğlu küçəsində fiziki şəxs Rəşad Mehdiyevə məxsus mağazada;

Füzuli rayonunda

- Bala Bəhmənli kəndində yerləşən “Paşa market”də.

Monitorinq zamanı ümumi çəkisi 663 kiloqram olan saxlama müddəti ötmüş və etiketlənməsi normativ-texniki sənədlərin tələblərinə uyğun olmayan ərzaq məhsulları satışdan çıxarılıb. Kolbasa məmulatları, makaron və un məmulatları, süd və süd məhsulları, qənnadı məmulatları, bal, yağlar, konservləşdirilmiş məhsullar, quru meyvələr, pivə, mineral sular, sərinləşdirici içkilər, şirələr, uşaq yeməkləri və digər məhsullardan ibarət saxta məhsulların hamısı məhv edilib.

Elxan SALAHOV