Azərbaycan bu il 8 milyard kubmetr qaz satacaq
03 iyun 2010 17:00 (UTC +04:00)

Azərbaycan bu il 8 milyard kubmetr qaz satacaq

Bu il Azərbaycan 8 milyard kubmetr təbii qaz ixrac edəcək. Bunun 6,4 milyard kubmetri Türkiyəyə, 1 milyard kubmetri Rusiyaya, 0,3 milyard kubmetri Gürcüstana, 0,1 milyard kubmetri isə İrana göndəriləcək.

Lent.az-ın məlumatına görə, bu barədə sənaye və energetika naziri Natiq Əliyev Bakıda keçirilən XVII Beynəlxalq Neft-Qaz Sərgisi çərçivəsində təşkil olunan “Avropanın enerji geosiyasəti və Azərbaycanın rolu” mövzusuna həsr olunmuş plenar sessiyada bildirib. Onun sözlərinə görə, 2010-cu ildə Azərbaycanda qaz hasilatı 30 milyard kubmetr təşkil edəcək ki, bunun da 8 milyardı “Şahdəniz” yatağının payına düşür. 2009-cu ildə isə Azərbaycanda 23 milyard kubmetr qaz hasil olunub və bunun 5,4 milyard kubmetri “Şahdəniz”dən çıxarılıb.

Nazir eyni zamanda yaxın vaxtlarda “Şahdəniz-2” və Abşeron layihələrinin də həyata keçiriləcəyini qeyd edib.

Elxan SALAHOV
# 588

Oxşar yazılar