Səhmlər sürətlə qiymətdən düşür, neft ucuzlaşır
21 may 2010 11:45 (UTC +04:00)

Səhmlər sürətlə qiymətdən düşür, neft ucuzlaşır

Dünya maliyyə bazarını böhranın yeni dalğası vurub.

Lent.az-ın “Reuters” agentliyinə istinadən verdiyi məlumata görə, ABŞ-da “Dou-Cons” indeksi 3,6 faiz, NASDAK indeksi 4 faiz dəyərini itirib.

Rusiya birjalarında qiymətli kağızların ucuzlaşması daha geniş masştab alıb. RTS birjasında qiymətli kağızlar 5,5 faiz, MMVB birjasında isə 4,3 faiz ucuzlaşıb.

Enerji daşıyıcılarının da qiyməti azalmağa davam edir. Nyu-York birjasında yüngül tərkibli neftin 1 bareli 68 dollara təklif olunur. London birjasında isə neftin 1 bareli 71 dollara düşüb.

Ekspertlər birjalarda yaşanan son silkələnmənin Almaniyanın bir sıra qiymətli kağızların açıq satışının dayandırılması barədə dünən gecə verdiyi qərarla izah edirlər.
# 562

Oxşar yazılar