Enerjiyə qənaətlə bağlı proqram Nazirlər Kabinetinə təqdim olunub
03 may 2010 13:30 (UTC +04:00)

Enerjiyə qənaətlə bağlı proqram Nazirlər Kabinetinə təqdim olunub

Bu sahədə 69 milli standartın qəbul edilməsi planlaşdırılır

Standartlaşdırma, Metrologiya və Patent üzrə Dövlət Komitəsi tərəfindən hazırlanmış “Enerjiyə qənaət sahəsində texniki tənzimləmə və standartlaşdırma sisteminin inkişafı Proqramı”nın layihəsi müvafiq dövlət qurumlarının rəy və təkliflərinin alınması üçün Nazirlər Kabinetinə təqdim edilib.

Komitənin mətbuat xidmətindən Lent.az-a verilən məlumata görə, proqramın əsas məqsədləri ölkənin yanacaq-enerji ehtiyatlarının qənaəti ilə bağlı problemlərin həlli, ehtiyatların effektivliyinin artırılması, iqtisadiyyatın səmərəli inkişafı, ekoloji vəziyyətin yaxşılaşdırılması və yerli məhsulların rəqabət imkanlarının artırılması ilə bağlı mövcud olan beynəlxalq və regional standartlar əsasında milli standartların hazırlanmasından ibarətdir.

Ümumilikdə, bu sahədə 69 milli standartın qəbul edilməsi planlaşdırılır.
# 522

Oxşar yazılar