Metropolitendəki problemlə bağlı rəsmi məlumat yayıldı
31 mart 2010 15:30 (UTC +04:00)

Metropolitendəki problemlə bağlı rəsmi məlumat yayıldı

“Bakıelektrikşəbəkə” ASC bu gün Bakı Metropolitenində elektrik enerjisinin kəsilməsi səbəbindən qatarların hərəkətində fasilə yaranması ilə bağlı rəsmi məlumat yayıb. ASC-nin mətbuat xidmətindən Lent.az-a daxil olan məlumatda xatırladır ki, Bakı Metropoliteninin “Azadlıq prospekti” stansiyası istiqamətində hərəkət edən qatarların hərəkəti elektrik enerjisi kəsildiyi üçün dayandırılıb. “Elektrik enerjisi təchizatında yaranan problem Bakı Metropoliteninin 825 voltluq sabit cərəyan dövrəsində texniki nasazlığın baş verməsi ilə əlaqədardır. Problem qısa müddət ərzində aradan qaldırılıb” – deyə, məlumatda qeyd olunub.

Qeyd edək ki, bu gün saat 14.00-dan 15.00-dək qatarların “Azadlıq Prospekti” stansiyasına istiqamətdə qatarların hərəkəti dayanıb. Bakı Metropolitenindən bunu elektrik gərginliyinin olmaması ilə izah ediblər.

Pərvin ABBASOV
# 312

Oxşar yazılar