Meyvə-tərəvəz 4,73 faiz bahalaşıb - CƏDVƏL

Bu ilin fevralında ən çox bahalaşma məhsullar arasında şəkər, çay və ədviyyat da var

İqtisadi Tədqiqatlar Mərkəzi (İTM) Azərbaycanın 22 regionunda 2010-cu ilin yanvar ayı ərzində apardığı qiymətlərin statistik müşahidəsinin nəticələrini açıqlayıb. Təşkilatın apardığı statistik müşahidələrin nəticələrinə əsasən, 2010-cu ilin ikinci ayında Azərbaycanda 0,65 faizlik inflyasiya qeydə alınıb.

İTM-in ictimaiyyətlə əlaqələr departamentindən Lent.az-a bildiriblər ki, ötən ilin yanvar-fevralına nisbətən ölkədə istehlak qiymətləri indeksi 4,02 faiz artıb. Bu dövrdə qiymət və tariflərin məcmu və qruplar üzrə indeksləri aşağıdakı kimi dəyişib:

	Fevral Yanvar 2010	Fevral2010 / Dekabr 2009	Yanvar- Fevral 2010 / Yanvar- Fevral 2009
Cəmi ərzaq malları və xidmətlər (İnflasiya)	100,65	101,72	104,02
Ərzaq malları, içkilər və tütün	101,35	103,28	104,66
Qeyri-ərzaq malları	99,68	99,78	97,64
Xidmətlər	100,03	100,05	110,47

Fevral ayı ərzində ərzaq məhsulları üzrə ən çox bahalaşma yenə meyvə-tərəvəzdə (4,73 faiz), şəkər, çay və ədviyyatda (1,58 faiz), ən çox ucuzlaşma isə qeyri-ərzaq məhsullarından geyim və ayaqqabılarda (1,04 faiz) qeydə alınıb.

2010-cu ilin yanvarına nisbətdə fevral ayında paytaxt və regionlar üzrə istehlak qiymətləri indeksinin dəyişməsi aşağıdakı kimi olub:

	Cəmi mallar və xidmətlər üzrə	Ərzaq	Qeyri-ərzaq	Xidmətlər
Bakı şəhəri	100,63	101,39	99,44	100,09
Regionlar	100,68	101,31	99,91	99,97

Xatırladaq ki, Dövlət Statistika Komitəsi bu ilin fevralında ölkədə 1,1 faiz, ötən ilin analoji dövrü ilə müqayisədə isə 2,8 faiz inflyasiyanın baş verdiyini elan edib. 2010-cu ilin sonuna hökumət 3 faizədək inflyasiya proqnozlaşdırır.

Elxan SALAHOV