Büdcənin 10 aylıq icrasında 1,2 milyard manatlıq profisit yaranıb
20 yanvar 2010 12:00 (UTC +04:00)

Büdcənin 10 aylıq icrasında 1,2 milyard manatlıq profisit yaranıb

2009-cu il dövlət büdcəsinin 10 aylıq icrasında 1,2 milyard manat profisit yaranıb. Belə ki, ötən ilin yanvar-oktyabr ayları ərzində dövlət büdcəsinin gəlirləri 8 milyard 342 milyon 200 min manat, xərcləri isə 7 milyard 178 milyon 900 min manat həcmində icra olunub. Bu müddətdə büdcənin profisiti 1 milyard 163 milyon 300 min manat təşkil edib.

Lent.az “İqtisadi forum” jurnalına istinadən bildirir ki, 2009-cu ilin 10 aylıq yekununa görə, büdcə gəlirlərinin ÜDM-də payı 31,3 faiz, xərclərin payı isə 26,9 faiz olub. Profisitin ÜDM-də xüsusi çəkisi 4,4 faiz təşkil edib.

Xatırladaq ki, 2009-cu ilin büdcə gəlirləri 20,3 faiz, xərcləri isə 19,9 faiz ixtisar olunub. Belə ki, büdcə gəlirləri proqnozlaşdırılan 12,177 milyarda qarşı 9,701 milyard manat, büdcə xərcləri 12,355 milyarda qarşı 10,016 milyard manat icra olunması gözlənilir. Gözlənilən büdcə kəsiri isə 178 milyon manatdan 315 milyon manata yüksəlib.

Elxan SALAHOV
# 325

Oxşar yazılar