Bakı-Kiyev qatarının hərəkəti bərpa olunub
06 yanvar 2010 12:45 (UTC +04:00)

Bakı-Kiyev qatarının hərəkəti bərpa olunub

Dağıstanın hüquq-mühafizə orqanlarının Şimali Qafqaz Dəmir Yolunun Tarki-Mahaçqala mənzilinin 2292-ci kilometrliyində hərəkətini dayandırdığı Bakı-Kiyev qatarında təhlükə sovuşub. Artıq saat 15.45 dəqiqədə sərnişin qatarının hərəkəti bərpa olunub.

“Azərbaycan Dəmir Yolları” Qapalı Səhmdar Cəmiyyətinin mətbuat xidmətinin rəisi Nadir Əzməmmədov Lent.az-a bildirib ki, hazırda sərnişin qatarı təhlükəsiz şəraitdə Kiyev istiqamətində hərəkət edir.

Xatırladaq ki, bu gün səhər saat 11 radələrində Bakı-Kiyev sərnişin qatarının hərəkəti dayandırılmışdı. Buna səbəb dəmir yoluna partlayıcı maddənin qoyulması barədə Dağıstanın hüquq-mühafizə orqanlarında məlumatların olması idi. Təxminən 4 saatdan çox davam edən araşdırmalardan sonra qatarın adi qaydada hərəkəti bərpa olunub.

Elxan SALAHOV
# 1024

Oxşar yazılar