Gələn il gözlənilən inflyasiyanın həcmi açıqlandı
13 noyabr 2012 13:47 (UTC +04:00)

Gələn il gözlənilən inflyasiyanın həcmi açıqlandı

Mili Məclisdə “Azərbaycan Respublikasının 2013-cü il dövlət büdcəsi haqqında" qanun layihəsinin müzakirələri davam edir.

Lent.az-ın verdiyi məlumata görə, iqtisadi inkişaf naziri Şahin Mustafayev deyib ki, gələn il qeyri-neft sektorunda 11,7 faiz, növbəti 3 ildə 7 faiz artım gözlənilir.

Nəticədə büdcədə qeyri-neft sektorunun çəkisi 47,6 faizdən 70 faizə qədər artacaq, neft sektoru 52 faizdən 29 faizə qədər enəcək. Gələn il 5,7 faiz inflyasiya gözlənilir. Cari ildə 170 müəssisə yaradılıb, 470 müəssisənin yaradılması prosesi gedir. Gəmiqayırma müəssisənin istifadəyə verilməsi ilə nəqliyyat sahəsində 30,9 faiz artım gözlənilir.

O bildirib ki, iri özəl taxılçılıq təsərrüfatlarının, heyvandarlıq, quşçuluq komplekslərinin yaradılması əsas məqsədlər sırasındadır. İri taxılçılıq təsərrüfatlarının yaradılması üçün Ağcabədi və Beyləqan rayonlarında ərazilər ayrılıb.
# 1135

Oxşar yazılar