Rusiya Şatov və Kombarovu itirdi

Rusiya yığmasının futbolçuları Oleq Şatov və Dmitri Kombarov 2016-ci il Avropa çempionatının seçmə mərhələsinin Moldova ilə oyununu zədə səbəbindən buraxacaqlar. Lent.az-ın “Komsomolskaya pravda” qəzetinə istinadən verdiyi xəbərə görə, bu barədə yığmanın baş məşqçisi Fabio Kapello mətbuat konfransında məlumat verib.

Futbolçular bu axşam komandanın düşərgəsini tərk edəcək.

Rusiya-Moldova oyunu oktyabrın 12-də Bakı vaxtilə saat 21.00-da “Spartak” Moskvanın ev oyunlarını keçirdiyi “Открытие-Арена”da keçiriləcək.