2019/20-cu il mövsümündə İngiltərə çempionatında yenilik tətbiq olunacaq.
APA-nın məlumatına görə, bu barədə qərarı yerli Futbol Assosiasiyası verib.
Belə ki, bəzi liqalarda vaxtla meydandan qovulma qaydasından istifadə olunacaq. Kənarlaşdırılan futbolçular “cəzalılar skamyası”nda əyləşib, cərimə vaxtı bitəndən sonra meydana qayıdacaq. Bu cəzalar hakimlərlə mübahisəyə görə veriləcək.
Bu yenilik kişilərin çempionatında 5-ci, qadınların yarışında 3-cü liqadan başlayıb, daha aşağı dəstələrə şamil olunacaq. Hakimlərin qərarına etiraz edənə sarı vərəqə veriləcək və referi onu “cəzalılar skamyası”na göndərəcək. Oyun ərzində iki dəfə ora göndərilən futbolçu meydandan birdəfəlik qovulacaq.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
