"Qəbələ" Azərbaycan çempionu oldu

Topaz Premyer Liqasında mübarizə aparan klubların əvəzedici heyətlərinin yarışında XXXII turun daha 3 oyunu keçirilib. Apasport.az saytının məlumatına görə, bu görüşlərdən sonra çempionun adına aydınlıq gəlib.

Belə ki, “Qəbələ” - “Neftçi” matçından sonra birinci yeri sahibi rəsmiləşdirib. 3:0 hesabı ilə qalib gələn Ramin Quliyevin yetirmələri xal hesabını 72-yə çatdırıblar. Bununla da ən yaxın izləyicisindən 13 xal uzaqlaşan komanda çempionatın sonuna 4 tur qalmış 1-ci yeri təmin edib.

Bu qələbəylə Quliyevin yetirmələri seriyalarını da davam etdiriblər. 15 oyundu uduzmayan komanda ardıcıl 6-cı qələbəsini qazanıb. Son 4 turda qol buraxmayan “Qəbələ” ardıcıl 3-cü dəfə 3 xalı böyük hesabla əldə edib.

“Qəbələ”nin çempionluğunda isə “Sumqayıt”ın xal itirməsi rol oynayıb. Onlar “İnter”lə heç-heçə etdiklərindən birinci yer üçün nəzəri şanslarını da itiriblər. “Qarabağ” isə “Zirə” ilə “sülh” bağladığından, ikinci pillə ilə xal fərqini qoruyub.

“İnter” - “Sumqayıt” – 2:2
Fərahim Budaqov, 12; Mənsur Nəhavəndi, 40 - Nurlan Əhmədov, 18; Pərdis-Fərcad Azad, 53

“Qəbələ” - “Neftçi” – 3:0
Sahil Mirzəyev, 11; Ramil Hasanov, 13; Ülvi İsgəndərov, 75

“Zirə” - “Qarabağ” – 1:1
Vüsal İsgəndərli, 48 (p.) - Əl Hərbi Əl Jadeyui, 31

N	Klublar	O	Q	H	M	T-F	X
1	Qəbələ	32	23	3	6	82-29	72
2	Sumqayıt	32	17	8	7	61-35	59
3	Qarabağ	32	16	9	7	50-29	57
4	Kəpəz	31	13	10	8	47-40	49
5	Neftçi	32	14	6	12	59-43	48
6	Zirə	32	13	6	13	46-49	45
7	İnter	32	10	5	17	53-64	35
8	Rəvan	31	10	2	19	39-62	32
9	AZAL	32	8	6	18	40-67	30
10	Xəzər Lənkəran	32	6	3	23	32-91	21